Rigorously curated citable Latin texts
title. SIRENES.
Sirenes Acheloi fluminis et Melpomenes Musae filiae Proserpinae raptu aberrantes ad Apollinis terram uenerunt, ibi-que Cereris uoluntate, quod Proserpinae auxilium non tulerant, uolaticae sunt factae.
his responsum erat tam diu eas uicturas quam diu cantantes eas audiens nemo esset praeteruectus. quibus fatalis fuit Ulixes; astutia enim sua cum praenauigasset scopulos in quibus morabantur, praecipitarunt se in mare.
a quibus locus Sirenides cognominatur, qui est inter Siciliam et Italiam.
| previous: 140a | next: 142a |