Rigorously curated citable Latin texts
title. EQUORUM SOLIS ET HORARUM NOMINA.
Eous; per hunc caelum uerti solet. Aethiops quasi flammeus est, concoquit fruges. hi funales sunt mares.
feminae iugariae, Bronte quae nos tonitrua appellamus, Sterope quae fulgitrua. huic rei auctor est Eumelus Corinthius.
item quos Homerus tradit, Abraxas lo Therbeeo. item quos Ouidius, Pyrois Eous Aethon et Phlegon.
Horarum uero nomina haec sunt, Iouis Saturni filii et Themidis filiae Titanidis: Auxo Eunomia Pherusa Carpo Dice Euporie Irene Orthosie Thallo.
alii auctores tradunt decem his nominibus, Auge Anatole Musica Gymnastica Nymphe Mesembria Sponde Elete Acte et Hesperis Dysis.
| previous: 182a | next: 184a |