texts

Rigorously curated citable Latin texts

View the Project on GitHub LinguaLatina/texts

Hyginus, Fabulae, section 224_218

title. QUI FACTI SUNT EX MORTALIBUS IMMORTALES.

  1. Hercules Iouis et Alcumenae filius; Liber Iouis et Semelae filius; Castor et Pollux Helenae fratres, Iouis et Ledae filii.

  2. Perseus Iouis et Danaes filius in stellas receptus; Arcas Iouis et Callisto filius in stellas relatus; Ariadnen Liber pater Liberam appellauit, Minois et Pasiphaes filiam;

  3. Callisto Lycaonis filia in Septentrionem relata; Cynosura Iouis nutrix in alterum Septentrionem; Crotos Panis et Euphemes filius conlactius Musarum in stellam Sagittarium; Icarus et Erigone Icari filia in stellas, Icarus in Arcturi, Erigone in Virginis signum;

  4. Ganymedes Assaraci filius in Aquario duodecim signorum; Myrtilus Mercurii et Theobules filius in Heniocho.

  5. Asclepius Apollinis et Coronidis filius; Pan Mercurii et Penelopes filius; Ino Cadmi filia in Leucotheam, quam nos matrem Matutam dicimus; Melicertes Athamantis filius in deum Palaemonem.

previous: 223_218 next: 225_218