Hyginus, Fabulae, section 258_237
title. ATREUS ET THIESTES.
- Atreus & Thyestes germani cum in dissensione sibi nocere non possent, in simulatam gratiam redierunt, qua occasione Thyestes cum fratris uxore concubuit. Atreus uero ei filium epulando apposuit: quae sol ne pollueretur, aufugit. Sed ueritatis hoc est: Atreum apud Mycenas primum solis eclipsim inuenisse: cui inuidens frater, ex urbe discessit.