Rigorously curated citable Latin texts
greeting. C. PLINIUS NOVIO MAXIMO SUO S.
Quid senserim de singulis tuis libris, notum tibi ut quemque perlegeram feci; accipe nunc quid de universis generaliter iudicem.
Est opus pulchrum validum acre sublime, varium elegans purum figuratum, spatiosum etiam et cum magna tua laude diffusum, in quo tu ingenii simul doloris-que velis latissime vectus es; et horum utrumque invicem adiumento fuit.
Nam dolori sublimitatem et magnificentiam ingenium, ingenio vim et amaritudinem dolor addidit. Vale.
| previous: 4.19 | next: 4.21 |