Rigorously curated citable Latin texts
greeting. C. PLINIUS IULIO NASONI SUO S.
Tusci grandine excussi, in regione Transpadana summa abundantia, sed par vilitas nuntiatur: solum mihi Laurentinum meum in reditu.
Nihil quidem ibi possideo praeter tectum et hortum statim-que harenas, solum tamen mihi in reditu. Ibi enim plurimum scribo, nec agrum quem non habeo sed ipsum me studiis excolo; ac iam possum tibi ut aliis in locis horreum plenum, sic ibi scrinium ostendere.
Igitur tu quoque, si certa et fructuosa praedia concupiscis, aliquid in hoc litore para. Vale.
| previous: 4.5 | next: 4.7 |