Rigorously curated citable Latin texts
greeting. C. PLINIUS FEROCI SUO S.
Eadem epistula et non studere te et studere significat. Aenigmata loquor? Ita plane, donec distinctius quod sentio enuntiem.
Negat enim te studere, sed est tam polita quam nisi a studente non potest scribi; aut es tu super omnes beatus, si talia per desidiam et otium perficis. Vale.
| previous: 7.12 | next: 7.14 |