Pliny, Epistulae, letter 9.14
greeting. C. PLINIUS TACITO SUO S.
- Nec ipse tibi plaudis, et ego nihil magis ex fide quam de te scribo. Posteris an aliqua cura nostri, nescio; nos certe meremur, ut sit aliqua, non dico ingenio — id enim superbum -, sed studio et labore et reverentia posterorum. Pergamus modo itinere instituto, quod ut paucos in lucem famam-que provexit, ita multos e tenebris et silentio protulit. Vale.