Rigorously curated citable Latin texts
greeting. C. PLINIUS MAMILIANO SUO S.
Summam te voluptatem percepisse ex isto copiosissimo genere venandi non miror, cum historicorum more scribas numerum iniri non potuisse. Nobis venari nec vacat nec libet: non vacat quia vindemiae in manibus, non libet quia exiguae.
Devehimus tamen pro novo musto novos versiculos tibi-que iucundissime exigenti ut primum videbuntur defervisse mittemus. Vale.
| previous: 9.15 | next: 9.17 |