Rigorously curated citable Latin texts
greeting. C. PLINIUS SABINO SUO S.
Qua intentione, quo studio, qua denique memoria legeris libellos meos, epistula tua ostendit. Ipse igitur exhibes negotium tibi qui elicis et invitas, ut quam plurima communicare tecum velim.
Faciam, per partes tamen et quasi digesta, ne istam ipsam memoriam, cui gratias ago, assiduitate et copia turbem oneratam-que et quasi oppressam cogam pluribus singula posterioribus priora dimittere. Vale.
| previous: 9.17 | next: 9.19 |