Rigorously curated citable Latin texts
title. PHILYRA QUAE IN TILIAM VERSA EST.
Saturnus Iouem cum quaereret per terras, in Thracia cum Philyra Oceani filia in equum conuersus concubuit, quae ex eo peperit Chironem centaurum, qui artem medicam primus inuenisse dicitur.
Philyra postquam inusitatam speciem se peperisse uidit, petit ab Ioue ut se in aliquam speciem commutaret; quae in arborem φιλύραν, hoc est tiliam, commutata est.
| previous: 137a | next: 139a |